05.12.2017, 1:24

Сумбул чач – уйғур қизлириниң гөзәллик рәмзидур.

  • 319
  • 0
Дәрвақә, уйғур қизлири қедимдин башлап узун чач қоюшқа адәтләнгән болуп, чач қоюшта бир жүрүш адәтләр шәкилләнгән. Уйғурларда ятлиқ болмиған қизларниң чечи он бәш, он йәттә, жигирмә бир һәтта қириқ бир тал қилинип өрүлиду. һәргиз җүп өрүлмәйду һәмдә мундақ той қилмиған қизниң пешанисидә кокул чечи болиду.

Униң паттәң (шилла) қисимидики сумбул чачниң асти қисми устира билән чүширип турулиду. Қизниң тойи болидиған күни униң шилла қисми әң ахирқи қетим чүширилиду.Той қилип ятлиқ қилинған бу қизниң кокул чечи икки тәрипигә қайрилиду. Узун сумбул чечи җүп өрүлиду һәм униңға яңақ секиләк чач қоюлиду. Чачни җүп өрүш ятлиқ болғанлиғиниң ипадиси һесаплиниду. Чач бәдәлгә “чач қошақ тойи” өткүзиду.Ятлиқ қилинған аял балилиқ болғанда, балчуқ чач (кичик өрүлмә чач) қоюлиду, яңақ чачму болиду.Еридин айрилған яш аяллар чокан дейилип, улар яңақ чач қоюш билән биргә чачни бәш, йәттә, тоққуз... тал қилип тағ өрүлиду. Бу туллуқ бәлгүси һесаплиниду.Нәврилик болған аялларниң балчуқ, яңақ чачлири болмайду, узун чачни икки тал қилип өрүп, уни чачтәңгә билән җүпләвалиду.Чачни бир тал қилип өрүвалидиған аяллар башқиларниң нәзәридә өзигә әр тәләп қилип жүргән аял дәп қарилиду вә ундақ аялларни яман көриду.Демәк, уйғур аяллириниң чач түригә вә сумбул чачниң җүп яки тағ өрүлгәнлигигә қарап униң қиз, җуган, нәврилик болған аял, яшанған аял вә әхлақсиз тул аял – екәнлигини пәриқләндүрүвалғили болиду. Шуниң үчүн уйғурлар арисида аялларниң чечиға алаһидә әһмийәт билән қарайду.

Поделиться с друзьями:

Комментарии (0)